KHKC
4 វគ្គសិក្សា
គរុកោសល្យ និងវិក្រឹតការ
អន្តរសកម្មភាព
បន្ទាប់ពីសិក្សាវគ្គសិក្សានេះ លោកអ្នកនឹងស្វែងយល់ ៖
- តើអ្វីទៅជាអន្តរកម្ម និងអន្តរសកម្មភាព ?
- តើយើងអាចបញ្ចូលអន្តរកម្មអ្វីខ្លះ ទៅក្នុងការសិក្សាតាមរយៈអេឡិចត្រូនិក ?
- តើយើងគួរយល់ដឹងអំពីបញ្ហាអ្វីខ្លះ នៅពេលដែលយើងរៀបចំផែនការបញ្ចូលអន្តរកម្ម ទៅក្នុងវគ្គសិក្សាតាមរយៈអេឡិចត្រូនិកមួយនោះ ?
- ហេតុអ្វីបានជាការបង្រៀន គឺជាមធ្យោបាយនិងវិធីសាស្ត្រដ៏សំខាន់ នៅក្នុងការសិក្សាតាមរយៈអេឡិចត្រូនិក ? តើមានតម្រូវការនិងភារកិច្ចចាំបាច់អ្វីខ្លះ ដែលគ្រូត្រូវបំពេញ ?
- តើមានឧបករណ៍ឬកម្មវិធីអ្វីខ្លះ ដែលគ្រូអាចប្រើប្រាស់បាន សម្រាប់បំពេញភារកិច្ចជាគ្រូបង្រៀនតាមរយៈអេឡិចត្រូនិក ? តើឧបករណ៍ឬកម្មវិធីទាំងនោះមានលក្ខណៈសម្បត្តិអ្វីខ្លះ ហើយយើងអាចប្រើប្រាស់វាបានយ៉ាងដូចម្ដេច ?
- តើទម្រង់នៃការផ្ដល់មតិយោបល់ត្រលប់មានអ្វីខ្លះ ? តើគ្រូត្រូវគោរពតាមគោលការណ៍អ្វីខ្លះ នៅពេលគាត់សរសេរមតិយោបល់ត្រលប់ទៅឲ្យអ្នកសិក្សារបស់គាត់ ?
- តើមានកត្តាអ្វីខ្លះដែលកំណត់វប្បធម៌មួយ ? តើវប្បធម៌នីមួយៗ មានលក្ខណៈពិសេសខុសប្លែកពីគ្នាយ៉ាងដូចម្ដេចខ្លះ ?
គរុកោសល្យ និងវិក្រឹតការ
ការគ្រប់គ្រងវគ្គសិក្សាតាមរយៈអេឡិចត្រូនិក (e-Learning Management)
ម៉ូឌុលនេះត្រូវបានរៀបចំឡើង សម្រាប់សាស្ត្រាចារ្យ ឬអ្នកជំនាញផ្នែកសិក្សាអប់រំ ដែលមានផែនការនឹងគ្រប់គ្រងវគ្គសិក្សាតាមរយៈអេឡិចត្រូនិក នៅស្ថាប័នរបស់ខ្លួន ។ ម៉ូឌុលនេះនឹងផ្ដល់ជូននូវជំនាញ និងវិធីសាស្ត្រគ្រប់គ្រងគម្រោងជាក់ស្ដែងមួយ ដែលនឹងអាចយកទៅលៃតម្រូវ និងអនុវត្តនៅក្នុងស្ថាប័នអប់រំរៀងៗខ្លួន ។
គោលបំណងសំខាន់ៗរបស់ម៉ូឌុលនេះ មានដូចជា ៖
- ស្វែងយល់អំពីមូលដ្ឋានគ្រឹះក្នុងការគ្រប់គ្រងគម្រោង ដោយផ្ដោតសំខាន់លើគម្រោងវគ្គសិក្សាតាមរយៈអេឡិចត្រូនិក
- ស្វែងយល់អំពីជំហានសំខាន់ៗ នៃវដ្ដគម្រោង
- សិក្សាស៊ីជម្រៅទៅលើវិធីសាស្ត្រក្នុងការធ្វើផែនការគម្រោងវគ្គសិក្សាតាមរយៈអេឡិចត្រូនិក
- ស្វែងយល់លម្អិតទៅលើដំណើរការ និងកិច្ចការត្រូវបំពេញ នៅពេលអនុវត្តគម្រោងវគ្គសិក្សា
- ស្វែងយល់អំពីការវាយតម្លៃគម្រោងវគ្គសិក្សា
ការបង្កើតខ្លឹមសាររៀនបែបឌីជីថល (Digital Content Development)
បន្ទាប់ពីសិក្សាវគ្គសិក្សានេះ លោកអ្នកនឹង ៖
- ដឹងពីភាពខុសគ្នាសំខាន់ៗរវាងសម្ភារៈបង្កើតមេរៀនសម្រាប់ការ បោះពុម្ពអត្ថបទ (អក្សរ) និងការបោះពុម្ពវគ្គសិក្សាលើបណ្ដាញ ។
- ស្វែងយល់ពីមូលដ្ឋានសម្រាប់ការបង្កើតមេរៀនដើម្បីបង្កើតរចនាសម្ព័ន្ធវគ្គសិក្សាលើបណ្ដាញឲ្យបានល្អ ។
- ស្វែងយល់ពីតួនាទីរបស់ផ្ទាំងរឿងសម្រាប់ដំណើរការនៃការបង្កើតវគ្គសិក្សា ។
- ដឹង និងប្រើប្រាស់ពុម្ពរបស់ផ្ទាំងរឿង ។
- ដឹង និងគិតអំពីទម្រង់ផ្សេងៗនៃតម្លៃបន្ថែមសម្រាប់វគ្គសិក្សាលើបណ្ដាញ ។
- ស្វែងយល់ពីជំហានទាំងអស់នៃដំណើរការសម្រាប់ការផលិតពីគំនិត សម្រាប់បង្កើតវគ្គសិក្សាទៅជាផលិតផលនៃវគ្គសិក្សាចុងក្រោយ ។
KHKC